WhatsApp ਦਾ ਇੱਕ ਹੋਰ ਸ਼ਾਨਦਾਰ ਫੀਚਰ! ਰੀਅਲ ਟਾਈਮ ਵੀਡੀਓ ਮੈਸੇਜ ਭੇਜ ਸਕਣਗੇ ਯੂਜ਼ਰਸ, ਇੰਝ ਕਰਦਾ ਹੈ ਕੰਮ

ਇੰਸਟੈਂਟ ਮੈਸੇਜਿੰਗ ਐਪ WhatsApp ਲਗਾਤਾਰ ਆਪਣੇ ਪਲੇਟਫਾਰਮ ‘ਤੇ ਅਜਿਹੇ ਫੀਚਰ ਲਿਆ ਰਿਹਾ ਹੈ ਤਾਂ ਕਿ ਇਸ ਦੀ ਵਰਤੋਂ ਆਸਾਨੀ ਨਾਲ ਕੀਤੀ ਜਾ ਸਕੇ। ਹੁਣ ਤੱਕ ਤੁਸੀਂ WhatsApp ‘ਤੇ ਕਿਸੇ ਨੂੰ ਮੈਸੇਜ ਕਰਨ ਲਈ ਟਾਈਪਿੰਗ ਅਤੇ ਵੌਇਸ ਰਿਕਾਰਡਿੰਗ ਦਾ ਸਹਾਰਾ ਲੈਂਦੇ ਸੀ, ਪਰ ਹੁਣ ਕੰਪਨੀ ਤੀਜਾ ਆਪਸ਼ਨ ਵੀ ਪ੍ਰਦਾਨ ਕਰਨ ਜਾ ਰਹੀ ਹੈ। ਹੁਣ ਤੁਸੀਂ WhatsApp ‘ਤੇ ਕਿਸੇ ਨੂੰ ਵੀ ਵੀਡੀਓ ਮੈਸੇਜ ਕਰ ਸਕਦੇ ਹੋ। ਜਲਦੀ ਹੀ ਇਸ ਫੀਚਰ ਨੂੰ ਸਾਰੇ ਯੂਜ਼ਰਸ ਲਈ ਰੋਲਆਊਟ ਕਰ ਦਿੱਤਾ ਜਾਵੇਗਾ।

ਮੇਟਾ ਦੇ ਸੰਸਥਾਪਕ ਮਾਰਕ ਜ਼ੁਕਰਬਰਗ ਨੇ ਫੇਸਬੁੱਕ ਹੈਂਡਲ ਤੋਂ ਇਕ ਪੋਸਟ ਰਾਹੀਂ WhatsApp ਦੇ ਨਵੇਂ ਫੀਚਰ ਬਾਰੇ ਜਾਣਕਾਰੀ ਦਿੱਤੀ। ਇਸ ਫੀਚਰ ਦੀ ਮਦਦ ਨਾਲ ਹੁਣ ਵਟਸਐਪ ਯੂਜ਼ਰ ਕਿਸੇ ਨੂੰ ਵੀ ਛੋਟੇ ਵੀਡੀਓ ਮੈਸੇਜ ਭੇਜ ਸਕਦੇ ਹਨ। ਹੁਣ ਤੁਹਾਨੂੰ ਭੇਜਣ ਲਈ ਇੱਕ ਵੀਡੀਓ ਨੂੰ ਪ੍ਰੀ-ਰਿਕਾਰਡ ਕਰਨ ਅਤੇ ਸੁਰੱਖਿਅਤ ਕਰਨ ਦੀ ਲੋੜ ਨਹੀਂ ਹੈ। ਤੁਸੀਂ ਆਪਣੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨਾਲ ਲਾਈਵ ਵੀਡੀਓ ਸਾਂਝਾ ਕਰਨ ਦੇ ਯੋਗ ਹੋਵੋਗੇ।